Samaria Lung Thin

Samari Lung Put

Bible Cang Thim :  Luke 10:33-34. Sihmanhsehlaw Samaria mipa pakhat , cukalei lam I khual a tlawng mi cu  cupa um nak kha a vaphan; amah kha a hmuh tik ah a zaang a fak ngaingai. A hei fuh I a hma ah khan chiti le misur hang kha a thuh hna  I a men hna, cun mipa cu a sathil cung ah khan a chuan I khual riah nak inn pakhat ah a kal pi I cuka ah cun a zoh khenh.

Bia Hmai thi :

Kan vulei ah hin minung kan si nak le kan thut dir ning hi a rak I dang tuk. Mirum mi hna nih an rum chin leng mang I mi sifak hna nih a si afak chin leng mang. Mifim mi nih Degree tam pi an lak lio ah mi cheu hna cu min tial hmanh an thiam lo. Mi cheuh nih an duh mi poh tolh lo in an cawk khawh lio ah ei awk ti din awk ngei lo in a rak um mi zawng an an rak tam. Cucaah   August 19 ni khi Mizawn ruah nak ni Mihar sa bawmh nak ni si ding ah Kum 2008 UN Meeting ah an rak feh ter. Mah an rak tuah nak chan I Miharsa bawmh chan hi mi pi nih theih piak in Bawmh hau an si zia zawng thei hna seh ti duh nak ah rak tuah mi asi. Cu lawng si lo in August 19 hi Vulei khua can ruang ah si seh ral thawh ruang ah siseh bawmh haumi hmun ah nun nak pek tiang in rian tuan mi hna Philh lo nak ding caah tuah mi zawng asi.

Mivial te kan nun nak ah zang fah zawn ruah nak hi kan rak ngeih dih cio ko. A si nain kan thin lung chung lawng ah a um silo in a tak in tuan zawng a herh. Minih har sat nak an in can ah kan ngeih a chiat pi ko hna nain kan bawmh khawh hna lo nak a ruang cu kan chung khar, kan cingla, kan rual chan an silo ruang ah asi. Mipakhat nih harsat nak a tuar in tik ah mah thil kha zoh lo in Kan mah ban tuk in minung asi tiah ruat in bawmh chanh a hau.

Kan Bible chung ah Tah chun awk tha bik le kan nun ah kan I lak cio ding mi  Mi zawn ruah nak tin lung tha a ngei mi Pa Samaria mi Pa nun nak zoh in tha zang la hna uhsih.

1.       Samaria Pa hi Zawn ruah nak Thin lung a ngei.

Samaria Pa nih Mizaw pa a hmuh I a bawmh nak a ruang bik cu Zawn Ruah Nak Thin lung a ngeih ruang ah asi. A mah zawng hi Mifir mi kut a rak tawng cang mi si dawh asi. Mipa khat har nak a ton bal lo ah cun zawn ruah khawh nak an rak ngei lo. Levi pa le Tlang bawi pa  nih an hrial nak a ruang cu  mifir kut an rak tawn bal lo ruang zawng ah asi kho men. Samaria pa nih cun  hma hel lam lai ah a ril ko mi a hmuh tik ah a zang a fak , zawn ruah nak a ngei. Kei mah he kan I san lo a ti lo, Levipa le Tlang bawipa nih cun an zang zawng a fak ve ko lai nain  kan sin ah buai nak a tlung sual lai ti an phang.

Samaria pa tu cu zei hmanh ruat lo in Mi zaw pa cu a zuan hnawh I a tuan hlawm. Samaria mipa ban tuk in kan nih zawng mihar sa bawmh nak ding caah le zoh khanh nak ding caah kut a samh ngam mi si hna uh sih.

2.       Samaria Pa cu Mi Ral Tha asi.

Hma he rung he lam ah a ril ko mi  a hmuh tik ah  a hrial mi hna Levipa le Tlang Bawipa hi zang fah zawn ruah nak ngei lo an si lo. An hmuh ah an zang a fak ko asi nain  buai nak kan sin ah  a phan sual lai tiah an tih ruang ah asi. Thil hman a chuah khawh nak ding caah  bawmh chan nak kan tuah tik ah ral tha te in kan tuah a hau.  Tih nak lung thin nih hin thil tha tuah a rak dawnh ngai. Levipa le Tlang bawipa hi tih nak an ngeimi te nih khan sual a rak phawt nak hna cu asi.

3.       Samaria pa hi hlan lio pi in Mihar sa bawmh nun a rak ngei.

Samaria pa hi Lam I a ril ko mi pa kha a zuan hnawh I ruah lo pi in a tuah mi si dawh asi lo. Mah pa a rak hmuh hlan pi in mihar sa a rak bawn peng mi si dawh asi. Mi harsa bawnh duh nak nun hi a nu le apa sin in arak cawn mi asi lai tiah mi tam pi nih an zumh. A pawng kam um mi nih fial chawm mi si lo in  a thin lung chuak te in a tuah mi asi. Hmei nu Hmei pa Ngak tah zoh khan duh nak thin lung hi samaria thin lung put ngeih asi. Cucaah mizaw a hmuh cang ka in a bawmh chanh khawh nak cu a rak tuah peng mi asi ruang ah fawi te in a tuah khawh nak asi.

4.        Samaria Pa hi Mah zawn lawng ruah nak Thing lung a ngei lo

Samaria mitha pa nih mizaw a hmuh cang ka in a zang a fak tuk I ai ken mi  Chiti, Misur hang in a thi a chuah lo nak hnga a tuan hlam I rian hmun tiang a kal pi I riah hmun ngei tu kha ka zoh khen piak uh tiah a nawl hna I a dih ding vial te kha a liam piak. Miharsa a bawm chan mi hna hi mah zawn lawng ai ruat lo mi an si. Thawng tha thei manh lo in thla rau tlau ni khat hnu ni khat an liam lio ah nang le kei Levipa le Tlang bawipa ban tuk in kan mah zawn lawng ruat in kan um sawh ko lai maw? Hawi dawt.Miharsa kan hmu ko nain kan zuan hnawh khawh lo nak cu kan mah zawn ruah nak a rak ngan tuk ruang ah si.

5.        Samariapa hi Minung Phung ning te in Bawm chan tu asi.

Mah Bible tial tu Luk nih hin Mizaw pa a min le a phun min a tial loh. Biana bia ah Mizaw pa hi samaria mi rak si seh law miphun dawt nak ruang ah a bawmh kan ti hnga,Mah pa hi samaria zawng asi lo Judah mi zawng si dawh asi lo. Mipakhat har nak a tawn tik ah bawnh chanh a hauh ning kawng lawng a cawn piak duh mi asi. Mi cheu kan I bawmh tik ah, Mah mi phun, Mah biak nak, Mah ram mi, ti kan zoh theu tawn. Mivial te hi mi nung ah ruah dih in bawnh chanh a hau mi hi kan zuan hnawh hna ding hi kan Pathian nih a kan duh piak bik mi cu asi.

Dongh Nak :

 Har sat nak a tawng mi hna kan hmuh tik hna ah,Zawn ruah nak Thin lung, he Tuan ding mi rian kha ral that e in kan  kan bawmh khawh nak ding caah Samariapa lung put nak ngeih a hau. Mah lung put hi Mi tlawm te lawng nih le mifim mirum lawng nih ngeih khawh mi lung put asilo. Mah lung put hi mivial te lung thin ah Sertu kan Pathian nih a rak kan pek dih cio mi asi. Cu cu kan mah nih kan hman lo ruang ah a ngei lo mi kan lawh nak asi. Nam te khi har te in vata law hmang lo in can sau pi vachia law vun hmang hmanh, hman awk a tha lai lo. Kan pawng kam hi dawt nak, zawn ruah nak in a khah khawh nak ding caah Micung that nak tuah hi kan zuam awk asi. Kan mi nung hawi hmanh kan dawt khawh hna lo ah cun zei tin dah Pathian cu kan dawt khawh lai?Carel tu kan dih lak Samaria pa lung thin a thar in kan ngeih cio khawh nak ding caah Pathian nih thlua chuah nak kan pe ko seh.

Milian ngan kan ti mi hna cu… Mirum zawng an si lo, REng sang zawng an si lo,  Vulei cung hruai tu hna zawng an si lo, Catial thiam mi, zawng an silo, Milian ngan kan ti mi hna cu Samariapa Lung Thing ngei mi hi ansi.   Amen…..